Эквадор Олий суди эвтаназияни декриминализация қилди ва мамлакат қонунчиларига ушбу тартиб қоидаларини ишлаб чиқишни топширди. Бу ҳақда ABC News хабар берди.
Эквадор Конституциявий суди 42 ёшли ўта хаста аёлнинг давлатга қарши даъвоси юзасидан қарор чиқарди. Аёл эвтаназияга расман рухсат беришни талаб қилган. Унга тўрт йил аввал амиотрофик латерал склероз ташхиси қўйилган.
Бу камдан-кам учрайдиган ва даволаниб бўлмайдиган касаллик бўлиб, аста-секин мушаклар атрофияси ва фалажига олиб келади. Эквадорлик аёл унга эвтаназияга рухсат беришларини сўраган.
У 2023 йил август ойида судга “эркин ва ихтиёрий равишда ўз ҳаётидан воз кечиш” ва кундалик азобларни бошдан кечиришни тўхтатиш учун мурожаат қилган.
Эквадор Конституциявий суди аёлнинг даъвосини қаноатлантирган. Эндиликда Эквадор қонун чиқарувчи органи бир йил ичида расмий эвтаназия қоидаларини ишлаб чиқиши керак.
Илгари эвтаназияга рухсат берган ягона Лотин Америкаси давлати Колумбия эди. Эвтаназия Бельгия, Испания, Люксембург, Нидерландия, Янги Зеландия, Канада ва Австралиянинг айрим штатларида ҳам қонунийдир. Чилида эса қонунийлаштириш имконияти муҳокама қилинмоқда. Бошқа бир қатор мамлакатларда “ўз жонига қасд қилиш”га рухсат берилади, бунда беморга шифокор назорати остида ўлдирадиган дори дозаси юборилади.
Изоҳ (0)