Qisqa muddatga o‘smir bo‘lish oson ish emas. Bugun qaysi yulduzlar ekranda o‘zidan yosh qahramonlarni o‘ynagani haqida ma’lumot beramiz.
Shirli Henderson — yig‘loqi Mirtl
Shirli Henderson “Garri Potter va maxfiy hujra” hamda “Garri Potter va alanga kubogi” filmlarida rol o‘ynagan. Filmdagi yig‘loqi Mirtl aynan shu aktrisa edi. Suratga olish paytida aktrisa 37 yoshda bo‘lgan, uning qahramoni esa 13 yoshda edi.
Tom Holland — Piter Parker
Tom Holland Tobi Maguayr va Endryu Garfilddan nimasi bilan ajralib turishini bilasizmi? U Piter Parker rolini ijro etgan eng yosh aktyor. “O‘rgimchak odam: Uyga qaytish” filmida super qahramon 15 yoshda. Film suratga olinayotganda aktyor 20 yoshda edi.
Emma Makki — Meyv Uayli
Sarkazmga boy hazillar, hammani o‘ziga qaratadigan uslub va bema’ni xatti-harakatlar 17 yoshli o‘smir qizga xos. Ammo qahramon va aktrisa o‘rtasida 8 yillik tafovut bor.
Anya Teylor-Joy — Elizabet Harmon
2020-yilda Anya Teylor-Joy “Qirolichaning yurishi” mini-serialida shaxmatchi qiz rolini o‘ynaydi. Filmda 24 yoshli aktrisa 13 yoshidan boshlab ulg‘aygan Elizabet Harmonni gavdalantiradi.
Emiliya Klark — Deyeneris Targaryen
“Taxtlar o‘yini” boshlangan paytda ajdarlar onasi bor-yo‘g‘i 16 yoshda edi. O‘sha paytda Emiliya Klark o‘z qahramonidan 8 yosh katta bo‘lgan.
-CNLa7f2x.jpg)
Florens Pyu — Emi March
“Kichik xonimlar” filmi to‘rt opa-singilning hayotini tasvirlaydi. Ularning eng kichigi Emi endigina 12 yoshda bo‘ladi. Mazkur quvnoq qiz rolini Florens Pyu o‘ynaydi — suratga olish paytida aktrisa 23 yoshda edi.
Izoh (0)