“Улар керакcиз суҳбатларни ёқтирмайди”: интервью беришни жини суймайдиган Голливуд актёрлари

Баъзилар машҳур бўлиб, ҳамманинг эътибор марказида бўлишни орзу қилади. Аммо айрим юлдузлар оммадан четда юришни ва интервью беришни ёқтирмайди.

Леонардо Ди Каприо

Леонардо Ди Каприо — Голливуднинг энг машҳур актёрларидан бири, аммо унинг ҳаёти ҳақида кўп нарса маълум эмас. Бори ҳам фақат папарацци фотосуратлар ва унинг жуда кам учрайдиган интервьюлари бўлиб, улар одатда маълум бир фильм премьерасига тўғри келади. Шуни таъкидлаш керакки, бу интервьюлар шартноманинг бир қисми ҳисобланади, яъни Лео бунга чидаши керак бўлган зарурат. Шу билан бирга, у баъзан ток-шоуларда пайдо бўлади. Шундай шоулардан бирида у самолётда рус йўловчилар билан Россияга қандай учгани ҳақида кулгили воқеани айтиб беради.

Николас Кейж

Николас Кейж интервьюларни яхши кўрмайди ва бу 2022 йилгача у саноқлигина интервью берганлигидан яққол кўриниб турибди. Бу ажабланарли ҳолат, чунки актёр 90 ва 2000 йилларда “Арвоҳ пойгачи”, “Миллат хазинаси” ва “Юзсиз” фильмлари туфайли машҳур бўлган. Аммо Николас баъзида турли шоуларда чиқиб, мухлисларининг саволларига жавоб беради. У узоқ вақтдан бери биринчи интервьюсини фақат Жимми Киммелга Педро Паскал билан бирга рол ўйнаган “Буюк истеъдоднинг чидаб бўлмас оғриғи” фильми ҳақида берган.

Жонни Депп

Жонни Депп билан суҳбат 2020 йилларда Голливуддаги чиқишларидан ҳам кам учрайдиган ҳодисадир. Аммо гап шундаки, Эмбер Хёрд билан бўлган суд жараёни давомида оммавий ахборот воситалари уни қоралашганда ҳам актёр буни эътиборсиз қолдиради. Жонни интервью бермайди, камдан-кам ҳолатлар бундан мустасно, актёр ўзига ёқмагани учун шахсий ҳаёти ҳақида камроқ гапиради.

Кристен Стюарт

Ижтимоий бефарқликка мойил бўлган шахс сифатида Кристен Стюарт “Сумерки” фильмининг муваффақиятидан сўнг энг кўп қўрққан нарсасига дуч келди: шон-шуҳрат. Кристен имкон қадар ундан узоқлашади ва 2021 йилгача интервьюлардан қочишга ҳаракат қилади. “Спенсер: Малика Диананинг сири” фильми чиққандан сўнг, Кристен фаол интервью бера бошлади.

Кристиан Бэйл

Кристиан Бэйл оммавий тадбирларни яхши кўрмайди. У қасрда яшириниб, ҳеч нарса қилмасдан умрини беҳуда ўтказадиган Брюс Уэйн образига ўхшайди. Кристиан фильмларда фаол рол ўйнайди, лекин интервью ёки ток-шоуларда кўринмасликка ҳаракат қилади. Бэйл босма нашрларда пайдо бўладиган интервью саволларига жавоб беришни афзал кўради, аммо сўнгги пайтларда у турли нашрлардан кўра кўпроқ экранларда пайдо бўлмоқда.

Жек Николсон

Жек Николсон ўзининг сўнгги видео интервьюсини 80 йилларда берган. Ўшандан бери фильмлардаги муваффақиятига қарамай, у фақат босма форматлар учун интервью беради. Яқинда Жек ҳақида анчадан бери Альцгеймер дан азият чекмоқда ва ўлиш арафасида деган миш-мишлар тарқалди. Жекнинг соғлиғида муаммолар бўлса-да, шошилинч ёрдамга муҳтож одамга ўхшамайди.

Хоакин Феникс

Хоакин Феникс ҳақиқатан ҳам интервьюларни ёқтирмайди. Унинг Мюррей Франклин шоусидаги чиқиши ундан интервью олиш хато бўлганини ҳаммага аён қилди. Хоакин интервью ва ток-шоуларнинг ноқулай муҳитини ёқтирмаслигини тан олади. Бир нашрга берган интервьюсида ноқулай савол берилганда, у дарҳол кетиб қолади.