Голливуднинг энг кўп даромад келтирадиган актёр ва актрисалари (фото)

Истеъдодли актёр нафақат томошабинлар эътирофига сазовор бўлади, балки фильм продюсерларига ҳам мўмайгина даромад келтиради.

Самуэл Л. Жексон — 5,7 миллиард доллар

Афсонавий Самуэл Л. Жексон нафақат ҳамкасблари, балки мухлислари орасида ҳам ҳурматга сазовор. Унинг карьераси “Жиноий асар” драмасини суратга олинишидан анча олдин бошланган бўлса-да, ушбу лойиҳадаги иштироки актёрни машҳур қилади — ўша пайтда актёр салкам эллик ёшда эди. Шундан сўнг Самуэл турли лойиҳаларда фаол иштирок этишни давом эттиради ва бу уни Голливуддаги энг даромадли актёрга айлантиради. Самуэл суратга тушган фильмларнинг умумий қиймати 5,7 миллиард долларни ташкил қилади.

Кичик Роберт Дауни — 5,4 миллиард доллар

Роберт болалигидан фильмларда рол ўйнашни бошлаган. Аммо ноқонуний моддалар билан боғлиқ муаммолар унинг карьерасига салбий таъсир кўрсатади. Вақт ўтиши билан кичик Дауни ора-сирада фильмларга чақирилади. Аммо 2008 йилда актёр “Темир одам” фильмида Тони Stark ролини ўйнагач, ҳаммаси ўзгаради. Ташқи кўриниши ва харизмаси билан у персонажига тўлиқ мос тушади ва мухлислар армиясига эга бўлади. Фақат Marvel оламининг фильмлари ва Шерлок Холмс дилогияси туфайли кичик Роберт Дауни иштирок этган лойиҳалар жаҳон прокатида 5,4 миллиард доллар ишлаб топади.

Том Хенкс — 5 миллиард доллар

Агар юқоридаги актёрлар нафақат драматик лойиҳаларда, асосан блокбастерларда рол ўйнаган бўлса, Том Хенкс кассаси 5 миллиард долларни ташкил этган фильмларда суратга тушган. Том Хенкс Голливуддаги энг ҳурматли ва даромадли актёрлардан бири ҳисоблангани ажабланарли эмас. Чунки у қайси фильмларда рол ўйнаш кераклигини жуда яхши билади.

Скарлетт Йоханссон — 5,2 миллиард доллар

Скарлетт Йоханссон ҳам Голливуддаги энг даромадли актрисалардан бири ҳисобланади. Аммо у карьерасини кичик ва кўзга ташланмайдиган роллардан бошлаган. Вақт ўтиши билан у “Темир одам 2”, “Капитан Америка 2”, “Қора бева”, “Қасоскорлар” каби йирик лойиҳаларда иштирок этишга муваффақ бўлади. Мафтункор актриса иштирок этган фильмлар жаҳон прокатида жами 5,2 миллиард доллар ишлаб топган.

Том Круз — 4,5 миллиард доллар

Том Круз фильмларда трюкларнинг кўпини ўзи бажариши билан фахрланади. Актёр иштирок этган лойиҳаларнинг умумий миқдори 4,5 миллиард долларни ташкил қилади.

Крис Пратт — 4,3 миллиард доллар

Крис Пратт ўз устингизда ишлаш нафақат ташқи кўриниш, балки ҳаётингизни ҳам тубдан ўзгартириши мумкинлигининг ҳақиқий намунасидир. Актёр “Галактика қўриқчилари” фильмидаги роли учун қаттиқ тайёргарлик кўра бошлаганидан сўнг, унга ёрқинроқ ва харизматик қаҳрамонлар таклиф қилина бошлади. Крис Пратт иштирокидаги фильмлар дунё бўйлаб 4,3 миллиард доллар йиғган.

Зои Салдана — 3,9 миллиард доллар

Зои Салдана — турли хил ролларни ўйнаган истеъдодли ва ёрқин актриса. Бундан ташқари, у кино тарихидаги энг кўп даромад келтирган учта лойиҳа — “Аватар”, “Қасоскорлар: абадият жанги” ва “Қасоскорлар: хотима” фильмларида рол ўйнаган ягона актрисадир. Ҳозирча ҳеч ким Зои Салдананинг бундай ноодатий рекордини такрорлай олмади. Актриса иштирокидаги барча фильмлар жами 3,9 миллиард доллар ишлаб топган.