Реал ҳаётда кинодаги образларининг бутунлай акси бўлган комедик актёрлар (фото)

Ҳар доим машҳур бўлган ягона жанр бу — комедия. Кўп йиллик кино тарихи давомида кўплаб истеъдодли комедиячилар етишиб чиқди. Улардан баъзилари том маънода тарихга ҳам кирди. Бироқ комедик актёрларнинг ҳаммаси ҳам реал ҳаётда хушчақчақ эмас.

Жим Керри

Актёр кўплаб ажойиб ва ​​кулгили фильмларда рол ўйнаган. Жонли юз ифодалари ва катта тажрибаси туфайли Керри узоқ вақтдан бери энг зўр комедиячи ҳисобланган.

Аммо актёр бутун ҳаёти давомида ўзини образларининг бутунлай акси деб ҳисоблайди. Актёр узоқ давом этган депрессиядан бир неча бор даволанган, ичкиликбозлик билан курашган ва диндан таскин излаган. Сўнгги йилларда Жим Керри ўзини иложи борича қувноқ қилиб кўрсатмасликка ҳаракат қилади. Дунё, одамлар ва умуман ҳаёт ҳақида нима ўйлаши ҳақида кўпроқ гапиради. Кўпинча унинг сўзлари уни комедик актёр сифатида кўришга одатланганларни ҳайратда қолдиради.

Роуэн Аткинсон

Британияда актёр энг машҳур ва ҳурматли комедиячилардан бири, аммо ҳақиқий ҳаётда Роуэн жуда таъсирчан одам ҳисобланади. Актёр ролларига жуда танқидий кўз билан қарайди, бу эса ҳақиқий асабий бузилишларга олиб келди.

Бир марта у узоқ давом этган депрессия сабаб психиатрия клиникасида даволанган. Аткинсон ҳеч қачон ҳаёти ҳақида гапиришни ёқтирмайди ва ҳар доим интервьюларида умуман хушчақчақ одам эмаслигини айтади. Актёр ўзини ҳеч қандай алоҳида истеъдод ва севимли машғулотларга эга бўлмаган оддий ва зерикарли одам деб ҳисоблайди.

Ҳью Лори

Актёр биринчи навбатда “Доктор Ҳаус” детектив фильмидаги бош роли билан танилган. Аммо Лори дастлаб истеъдодли комедиячи сифатида шуҳрат қозонган. Ватани Британияда унинг “Фрай ва Лори шоуси” сериали анчадан бери култ шоу ҳисобланади.

Бироқ актёрнинг ўзи нозик ҳазил қилишни билса-да, ҳаётда жиддий руҳий тушкунликдан азият чеккан. Аммо ўша пайтда у буни ўжарлик билан рад этган, даволанишдан ҳам қатъий бош тортган. У ўзининг бефарқлиги ва асабийлиги билан оиласини йўқотиш хавфи борлигини англагандагина терапия олишга рози бўлади.

Хью Лори ҳаётий тажрибалари туфайли ўжар мизантроп Ҳаус образини жуда ишончли тарзда ўйнай олди.

Робин Уильямс

Ажойиб комедиячи, истеъдодли актёр ва Голливуддаги энг хушмуомала одамлардан бири, у кўп йиллар давомида нафақат фильмларда, балки болалар дастурларида ҳам фаол рол ўйнаган. Уильямс ҳар доим омма олдида табассум қилувчи самимий одам эди. Ҳамкасблари у билан ишлаш завқли эканини қайта-қайта таъкидлайди.

Бироқ актёр ҳаётида жуда кўп синовларни бошдан кечирган — ажралишлар, болалардан узоқ вақт алоҳида яшаш, ёлғизлик қўрқуви, ваҳима, ҳаёти маъносини йўқотиш кабилар уни руҳан эзган.

Робин узоқ йиллар давомида депрессиядан азият чеккан, аммо доим ёрдам сўрашдан уялган. Охир-оқибат депрессия ўзини кўрсатади: Робин Уильямс 2014 йилда вафот этади. Бу эса яқинлари учун ҳақиқий зарба эди.

Бен Стиллер

Стиллер нафақат актёр, балки комедик фильмлар режиссёри сифатида ҳам танилган. Аслида экранда ҳам, ҳаётда ҳам улар бутунлай бошқа одам.

Фильмларда Стиллер келишган йигит ролини камдан кам ўйнайди. Ҳаётда у бир оз эзилган одам таассуротини қолдиради, унинг ҳазиллари кулдиришдан кўра, одамнинг раҳмини келтиради. Бу диссонанснинг сабаби узоқ давом этган касалликдир. Стиллер узоқ вақт апатия билан бирга биполяр бузилишдан азият чекаётганини яширмайди.