Бугун Истанбулдаги суд биносига уюштирилган қуролли ҳужум оқибатида 5 киши жароҳатлангани, отишма уюштирган эркак ва аёл эса йўқ қилингани ҳақида хабар берилган эди.
Мазкур ҳужумга алоқадор деб топилган 34 киши ҳибсга олинди. Бу ҳақда мамлакат адлия вазири Йилмаз Тунч маълум қилди.
“Жами, теракт уюштиришга алоқадор бўлиши мумкин бўлган 34 киши қўлга олинди. Тергов ишлари давом этмоқда”, — деди у.
Вазирнинг қайд этишича, ҳужумни содир этган шахс 2004 йилда террорчилик фаолиятига алоқадорликда айбланиб судланган ва 15 йил қамоқда ўтирган.
“У билан бирга ҳужум қилган аёл ҳам 4 йил-у 2 ой қамоқ жазосини ўтаган. Унинг акаси ва синглисининг иши бугун шу судда кўриб чиқилиши керак эди. Ҳужумчилар бино ичига киришга муваффақ бўлганида, катта эҳтимол билан, у ерда кўпроқ қурбон бўлар эди”, — деди Йилмаз Тунч.
Изоҳ (0)