Bugun Istanbuldagi sud binosiga uyushtirilgan qurolli hujum oqibatida 5 kishi jarohatlangani, otishma uyushtirgan erkak va ayol esa yo‘q qilingani haqida xabar berilgan edi.
Mazkur hujumga aloqador deb topilgan 34 kishi hibsga olindi. Bu haqda mamlakat adliya vaziri Yilmaz Tunch ma’lum qildi.
“Jami, terakt uyushtirishga aloqador bo‘lishi mumkin bo‘lgan 34 kishi qo‘lga olindi. Tergov ishlari davom etmoqda”, — dedi u.
Vazirning qayd etishicha, hujumni sodir etgan shaxs 2004-yilda terrorchilik faoliyatiga aloqadorlikda ayblanib sudlangan va 15 yil qamoqda o‘tirgan.
“U bilan birga hujum qilgan ayol ham 4 yil-u 2 oy qamoq jazosini o‘tagan. Uning akasi va singlisining ishi bugun shu sudda ko‘rib chiqilishi kerak edi. Hujumchilar bino ichiga kirishga muvaffaq bo‘lganida, katta ehtimol bilan, u yerda ko‘proq qurbon bo‘lar edi”, — dedi Yilmaz Tunch.
Izoh (0)