Тошкентнинг чекка ҳудудларини метро бекатлари билан боғлаш учун экспресс автобус қатновларини йўлга қўйиш режалаштирилмоқда. Бу Ўзбекистоннинг 2024 йилги давлат дастури тўғрисидаги президент қарори лойиҳасида кўзда тутилган.
Жумладан, “Назарбек” ҳудудидан Чорсу ва Пахтакор метро бекатигача ҳамда “Уч қаҳрамон” ҳудудидан Юнусобод деҳқон бозори ва Шаҳристон метро бекатигача алоҳида экспресс автобус йўналишларини ташкил қилиш назарда тутилган.
Шунингдек, автобуслар ҳаракати устуворлигини ва пиёдалар хавфсизлигини таъминлаш мақсадида 2024 йил давомида маҳаллий бюджет маблағлари ҳисобидан узунлиги 29 километр бўлган 8 та асосий транспорт коридорларида (83 та чорраҳа ва 41 та пиёдалар ўтиш жойи) реконструкция ишларини амалга ошириш режалаштирилган.
Хорижий банк кредити ҳисобидан Тошкент метрополитени учун 11 та янги метро поездлари (44 та метро вагонларини) харид қилиниши кутилмоқда.
Изоҳ (0)