Машҳур “Суғур куни” фильмининг қаҳрамонлари 31 йил ичида қанчалик ўзгарган?​

Машҳур “Суғур куни” фильми 1993 йил февраль ойида экранларга чиққан. Орадан 31 йил ўтган бўлса-да, ҳар йили 2 февраль куни кўплаб томошабинлар севимли фильмини интиқлик билан кутади.

Билл Мюррей

Фил маҳаллий телевидениеда об-ҳаво ҳақида маълумот берадиган келишган бошловчи. У ўзининг харизмаси орқали ёғингарчилик, ҳарорат пасайиши ва кўтарилиши ҳақидаги зерикарли хабарларни ёритиб, уларни ҳақиқий шоуга айлантиради. Томошабинлар уни яхши кўришади, дастур рейтинги доим юқори Аммо студияда чироқлар ўчган заҳоти Фил ҳаётдан зериккан одамга айланади.

Билл Мюррей образи бир оз чарчаган, истеҳзоли ва ҳатто бемаъни, лекин аслида меҳрибон ва одобли образни гавдалантиради. Аммо ажабланарлиси, ушбу фильмдан кейин унинг карьерасида пасайиш юз беради: кейинги беш йил давомида у деярли ҳеч қандай қизиқарли рол ўйнамайди.

Аммо у ўзини бошқа ижодий соҳада—- ёзувчиликда кашф қилди. 1999 йилда у “Золушка ҳикояси: Гольфдаги ҳаётим” китобини нашр этди, унда у ўзининг таржимайи ҳоли ҳақида гапириб, гольфга бўлган иштиёқини тан олади.

1990 йиллар охирида актёрлик карьераси ниҳоят тикланади: у Уэс Андерсон (“Рашмор академияси”, “Сув ҳаёти”) ва Жим Жармуш (“Қаҳва ва сигареталар”, “Синган гуллар”) билан бирга бош ролларни ижро этган мустақил Америка фильмларида драматик ролларни ўйнай бошлайди.

Икки ёлғиз америкалик — катта ёшли эркак ва ёш қиз ўртасидаги муносабатлар ҳақидаги “Таржима машаққати” мелодрамасини суратга олиш унинг учун катта муваффақият эди. Бу рол Биллга “Олтин глобус” ва “Оскар” номинациясини олиб келади.

Ҳозирда Мюррей янги “Арвоҳ овчилари” фильмида суратга тушмоқда.

Билл 1994 йилда 14 йил бирга яшаган хотини билан ажрашади, уларнинг турмушидан 2 ўғли бор. Кейинчалик Мюррей либослар бўйича дизайнер Женнифер Батлерга уйланади ва яна тўрт фарзанд кўради. 2008 йилда бу никоҳ ҳам ажрашиш билан якунланади.

Актёрнинг ҳозирча сўнгги бўлган романтикаси қўшиқчи Келис билан. Хонанда билан танишган пайтда актёр аллақачон 71, Келис эса 43 ёшда эди. Аммо 2023 йилнинг август ойида эр-хотин ажралишади.

Энди Макдауэлл

Актрисанинг карьераси 1990 йилларнинг ўрталаридан бошлаб пасайишни бошлайди — кассада муваффақиятсизликка учраган ва ҳеч қандай танқидга дош беролмаган фильмларда рол ўйнади. Бироқ кейин вазият яхшиланади: 2001 йилда “Омадсиз аёллар клуби” фильмидаги ёш йигитга ошиқ бўлган ўрта ёшли аёл ролини ижро этгани учун танқидчилар эътирофига сазовор бўлади. Ажабланарлиси шундаки, бу фильм кенг тарқалмаган ва деярли эътибордан четда қолган.

Кейинги йилларда Макдауэлл асосан мустақил фильмларда рол ўйнади, улар ҳам камдан-кам ҳолларда катта экранларга чиқди, бундан ташқари у телевизион фильмларда ва телесериаллардаги эпизодларда кўриниш берди.

Унинг кино карьераси бир қанча омадсизликларга учраган бўлса-да, 2000 йилларда француз косметика компанияси — L’Oreal’нинг юзи сифатида танилади.

Ҳозирда ҳам Энди фильмларда рол ўйнамоқда. Бу йил у асосий роллардан бирини ўйнаган “Қонли ўнг қўл” драмаси экранларга чиқади. Мазкур фильмда Orlando Блум актрисанинг партнёри бўлган.

1990 йилларда “Суғур куни” фильм чиққанидан кейин Макдауэллнинг шахсий ҳаёти ҳам ўзгаради. 1999 йилгача у Пол Куолли билан турмуш қурган, бир ўғил ва икки қизни дунёга келтирган. 2001 йилда у яна турмушга чиқади — бизнесмен Ретт Харцог билан бўлган никоҳи бир неча йил давом этади.

Ҳозирча юлдуз учун асосий нарса унинг карьераси. “Танишув энергия талаб қилади. Мен эса жуда бандман. Мен ҳозир ҳаётим мазмуни дўстларим ва ишим эканлигини ҳис қиляпман”, — дейди у яқинда берган интервьюсида.

Крис Эллиотт

Оператор Ларри

​ Фильм чиққандан сўнг, у бош қаҳрамон сингари ёзувчи бўлади. Унинг саккизта китоби нашрдан чиққан. 2007 йилдан бери у Девид Леттерманнинг Late Show номли шоусида иштирок этади. 2009 йилда эса у “Онангиз билан қандай танишганман” сериалида Лили Алдриннинг отаси ролини ўйнаган. 2015 йилда у “Schittʼs Creek” фильмида қаҳрамон Роналд Шитт ролини ижро этган.

Актёр 38 йилдан бери актриса Паула Эллиотт билан бахтли яшаб келмоқда.

Стивен Тоболовски

Суғурта агенти — Нед Рерсон, бош қаҳрамоннинг синфдоши ва фильмнинг сўнгги саҳнасида унинг карьерасига туртки берган.

11 йил ўтгач, Тоболовски ва Мюррей “Гарфилд” мультфильмининг суратга олиш жараёнида яна учрашишади. Унда Стивен ит ўргатувчи ролини ўйнайди, Билл эса малла мушукка овоз беради.

Танқидчилар томонидан эътироф этилган роллар орасида “Радиодаги қотиллик” фильмида мусиқачи ва “Эсла” психологик триллерида Семми Женкинс ролини ўйнайди.

Стивен, шунингдек, театрда режиссёр, актёр ва бастакор сифатида ишлайди. Актёр 2002 йилда нуфузли “Тони” мукофотига номзод бўлган. Стивен Тоболовски 36 йилдан бери биргаликда яшаётган севимли рафиқаси Анн Хирн билан икки ўғлини тарбияламоқда.