Ижтимоий тармоқларда Намангандаги бозорда 5 минг сўмдан оёқ кийимлар сотилаётгани, бундай нарх ҳатто Хитойда ҳам йўқлиги билдирилган видео тарқалди. “Дарё” мухбири Азизбек Абдувалиев ушбу бозорга бориб, сотувчилар билан суҳбатлашди.
Наманган шаҳрининг Давлатобод туманидаги “Яшил” деҳқон бозорида ҳафтанинг шанба кунлари сотувчи ва харидорлар билан гавжум бўлади. Бу ерда қишлоқ хўжалиги маҳсулотлари, кийим-кечак, эҳтиёт қисмлар, маиший техника ва мебель улгуржи сотилади.
Фото: Оқилхон Мамажанов
Бозор атрофида эса шу куни эски буюмлар савдоси авж олади. Жумладан, пойабзаллар савдоси ҳам.
Фото: Оқилхон Мамажанов
Пойабзалларни Тошкентдан олиб келамиз. Ассортимент турлича: этик, туфли, кроссовка, шиппаклар. Уларнинг ичида ишлатилгани ҳам, деярли янгилари ҳам бор. Улгуржи олганимиз учун йўлкирани қоплаб, бироз фойда ҳам қолади, — дейди сотувчи Адҳамбой Носиров.
Фото: Оқилхон Мамажанов
Сотувчининг айтишича, ижтимоий тармоқларда шу ҳақдаги видео тарқалганидан сўнг харидорлар сони кескин кўпайган. Олиб келинаётган маҳсулотлар эса икки шанбадаёқ тугамоқда. Сотувчининг ўзи бу ҳолатни “Ҳаммада ҳам янги оёқ кийим сотиб олишга пул бўлмаса керак-да” деб изоҳламоқда.
Фото: Оқилхон Мамажанов
Изоҳ (0)