“Ювентус” Пол Погба билан шартномани бекор қилиш ҳақида ўйламоқда.
La Gazzetta dello Sport нашрининг хабарига кўра, 30 ёшли футболчи дисквалификация қилиниши билан Турин клуби у билан битимни бекор қилади.
“Ювентус” Погба билан низога боришни хоҳламайди ва шунинг учун у билан учрашиб, икки томонлама розилик билан бу ишни амалга оширади. Агар келишув амалга ошмаса, туринликлар шартномани бир томонлама бекор қилишга тайёр.
Аввалроқ антидопинг прокуратураси франциялик ярим ҳимоячини 4 йилга футболдан четлатиши мумкинлиги хабар қилинганди.
Эслатиб ўтамиз, 20 август куни туринликлар ярим ҳимоячиси тестостерон учун топширган допинг-тести ижобий натижа берган. Такрорий тест натижаси ҳам дастлабкиси каби бўлган. Шу тариқа Погба футболдан вақтинча четлатилганди.
Полнинг “Ювентус” билан шартномаси 2026 йилга қадар мўлжалланган. 30 ёшли футболчи жорий мавсум 2 та ўйинда майдонга тушди. Погба ўтган мавсумнинг катта қисмини жароҳат сабабли ўтказиб юборганди.
Изоҳ (0)