Туркманистон Қирғизистон Республикасига инсонпарварлик ёрдами сифатида 2 минг тонна суюлтирилган газ юборади, деб хабар бермоқда Alty Asyr телеканали.
“Туркмангаз” давлат концернига йўлланган тегишли фармойишни президент Сердар Бердимуҳамедов имзолаган.
Ҳужжат, унда айтилганидек, туркман халқи номидан Қирғизистон Республикаси энергетика соҳасидаги мавжуд вазият муносабати билан қирғиз халқига гуманитар ёрдам кўрсатиш мақсадида имзоланган.
2 февралга ўтар кечаси Бишкекдаги (Қирғизистон) иссиқлик электр станциясида авария юз бергани, оқибатда иситиш қозони портлагани ҳақида хабар берилганди. Жароҳатланганлар бор.
Қирғизистон пойтахтида иссиқлик ва иссиқ сув таъминотида қийинчиликлар юзага келди.
Туркманистон Ташқи ишлар вазирлигининг хабар беришича, бир кун аввал Туркманистон ташқи ишлар вазири Рашид Мередов Қирғизистон Республикасидаги ҳамкасби Жеенбек Кулубаев билан телефон орқали мулоқот қилган.
Эзиз Бояров
Изоҳ (0)