Тошкентда ҳаракат вақтида авария ҳолатини юзага келтирган ҳайдовчига чора кўрилди, деб хабар беради “Тошшаҳартрансхизмат” матбуот хизмати.
Ижтимоий тармоқларда 31 январь куни Тошкентдаги 2-сонли автобус саройи филиали тасарруфидаги 80-сонли йўналишда қатновчи автобус йўлда бошқа транспортларга халақит қилиб, авария ҳолатини юзага келтиргани акс этган видео тарқалди.
Қайд этилишича, 2-сонли автобус саройи филиали раҳбарияти ва тезкор штаб аъзолари ҳайдовчи билан тушунтириш ишлари олиб борилган. Ҳаракат қоидалари ва ички тартибни бузгани ҳамда йўловчилар ҳаётини хавф остига қўйгани учун корхона томонидан ҳайдовчи билан меҳнат шартномаси бекор қилинган.
Бундай ҳолатларнинг олдини олиш учун 80-йўналишдаги барча ҳайдовчилар қўшимча тушунтириш ишлари олиб борилган.
Куни кеча Тошкентда йўловчилар автобусга чиқмасидан аввал эшикларни ёпиб юборган ҳайдовчи ишдан бўшатилгани тўғрисида хабар берилганди.
Изоҳ (0)