Шавкат Мирзиёев 29 январь куни ўтказган видеоселектор йиғилишида жамоат транспортига ҳар томонлама устунлик берилиши, автомобиллар эса ҳашаматга айланиши кераклигини айтди.
Йиғилишда Тошкент шаҳрида тирбандлик катта муаммога айланиб бораётгани қайд этилди.
Айрим кўчаларда иш кунлари ўртача 7-9 баллик, баъзан 10 баллик тирбандликлар кузатилмоқда, баъзиларига 2 карра кўп юклама тушмоқда. Оқибатда куннинг тиғиз пайтида манзилга бориш учун 2 баробар кўп вақт сарфланмоқда.
Бош вазир ўринбосари Очилбек Раматов, Транспорт вазирлиги, Тошкент шаҳар ҳокимлигига тизимли ёндашган ҳолда тирбандликлар муаммоси бўйича таклифларни шакллантириш ва президентга тақдимот қилиш топширилди.
“Шаҳарсозлик ва йўл ҳаракатига масъул барча бўғиндаги раҳбарлар ‘Шаҳар – пиёдалар учун’ деган шиорни ўзининг асосий тамойили қилиб олиши шарт”, — деди президент.
Шавкат Мирзиёевнинг таъкидлашича, бунда, жамоат транспортига ҳар томонлама устунлик берилиши, автомобиллар эса ҳашаматга айланиши керак.
Изоҳ (0)