Украина президенти Владимир Зеленский 29 январь куни Валерий Залужнийга уни Украина Қуролли кучлари бош қўмондони лавозимидан озод этишга қарор қилганини айтган. Бу ҳақда The Economist хабар берди.
Айрим журналистларга кўра, Залужнийга Миллий хавфсизлик ва мудофаа кенгаши котиби лавозимини таклиф қилишган, бироқ у рад жавобини берган. Қуруқликдаги қўшинлар қўмондони Александр Сирский ва Украина разведкаси раҳбари Кирилл Буданов бош қўмондон лавозимига номзод сифатида кўрилган.
Сирский армиядаги энг тажрибали офицерлардан бири бўлиб, у 2022 йилдаги иккита энг ёрқин ғалабанинг намоёндаси бўлган: Киев яқинида ва Харьков вилоятида.
“Аммо унинг урушга қаттиқ ёндашгани уни армия ичида машҳур қилмади”, — дейилади хабарда.
Бошқа томондан, Буданов қўмондонликка “жуда ноанъанавий ва синовдан ўтмаган” ёндашувни қўллайди, у ҳали катта армияга раҳбарлик қилмаган.
“Баъзилар у сўнгги дақиқада бу ишдан бош тортган деб ҳисоблашади. Будановнинг яқин ҳамкасби у генерал Залужний лавозимига даъвогарлик қилмаганини таъкидламоқда, лекин Будановнинг ҳам ҳарбий лавозимни рад этишга ҳаққи йўқ эди”, — деб ёзади журналистлар.
Изоҳ (0)