Хитойда парранда гриппининг H3N2 ва H10N5 қўшма штаммлари билан касалланган аёл вафот этди. Бу ҳақда Independent хабар берди.
Маълум қилинишича, 63 ёшли аёл 2023 йилнинг 16 декабрида вируснинг комбинацияланган штамми сабабли вафот этган, бироқ ўлими расман энди тасдиқланмоқда. Марҳуманинг ёндош касалликлари ҳам бўлгани айтилмоқда.
Хасталикнинг белгилари 30 ноябрда бошланиб, йўтал, томоқ оғриғи ва иситмани ўз ичига олган. Мамлакатнинг Касалликларни назорат қилиш ва олдини олиш миллий агентлиги унга яқин алоқада бўлган одамларнинг тестлари салбий натижа берганини таъкидлади. Геном кетма-кетлиги H10N5 вируси паррандалардан келиб чиққанини ва одамларни юқтиришга қодир эмаслигини кўрсатган.
“Бу ҳолат эпизодик турлараро паррандалардан одамларга касаллик юқишини кўрсатади”, — дейди Касалликларни назорат қилиш бошқармаси.
Ҳодиса паррандадан одамга юқишнинг алоҳида ҳодисаси сифатида таърифланиб, одамдан одамга юқмагани таъкидланди.
Изоҳ (0)