Xitoyda parranda grippiga chalingan ayol vafot etdi

Xitoyda parranda grippining H3N2 va H10N5 qo‘shma shtammlari bilan kasallangan ayol vafot etdi. Bu haqda Independent xabar berdi.

Ma’lum qilinishicha, 63 yoshli ayol 2023-yilning 16-dekabrida virusning kombinatsiyalangan shtammi sababli vafot etgan, biroq o‘limi rasman endi tasdiqlanmoqda. Marhumaning yondosh kasalliklari ham bo‘lgani aytilmoqda.

Xastalikning belgilari 30-noyabrda boshlanib, yo‘tal, tomoq og‘rig‘i va isitmani o‘z ichiga olgan. Mamlakatning Kasalliklarni nazorat qilish va oldini olish milliy agentligi unga yaqin aloqada bo‘lgan odamlarning testlari salbiy natija berganini ta’kidladi. Genom ketma-ketligi H10N5 virusi parrandalardan kelib chiqqanini va odamlarni yuqtirishga qodir emasligini ko‘rsatgan.

“Bu holat epizodik turlararo parrandalardan odamlarga kasallik yuqishini ko‘rsatadi”, — deydi Kasalliklarni nazorat qilish boshqarmasi.

Hodisa parrandadan odamga yuqishning alohida hodisasi sifatida ta‘riflanib, odamdan odamga yuqmagani ta’kidlandi.