Россия Истеъмолчилар ҳуқуқларини ҳимоя қилиш федерал хизмати шу кунларда мамлакатда чўчқа гриппи кенг тарқалаётгани ҳақида хабар берди. Ҳозиргача ушбу вирус давлатнинг 55 та маъмурий ҳудудида рўйхатга олинган.
Хасталикнинг аниқланаётган мутациялари орасида А (H1N1), А (H3N2) ва Б штаммлари устуворлик қиляпти. Мутахассисларнинг изоҳлашича, бу касалликни анъанавий грипп турларидан аломатлари орқали фарқлаш қийин. Чунки юқори тана ҳарорати, томоқ, бош ва мушаклардаги оғриқлар, йўтал, ҳолсизлик, безовталик каби симптомлар ҳар иккисига хос. Шу боис аниқ ташхис қўйиш учун махсус ПЗР тестлари талаб этилади.
Маълумот учун, 2009 йилда жаҳон бўйича оммавий чўчқа гриппи эпидемияси кузатилган эди. Ўшанда бир йил давомида 60,8 миллион нафарга яқин одам ушбу хасталик билан касалланган. Беморлардан 12,4 минг нафари инфекция оқибатида ҳаётдан кўз юмган.
Мавзуга доир:
Изоҳ (0)