Канаданинг Британия Колумбияси штатида Алиша исмли TikTok фойдаланувчиси Рудник лақабли оти қорда сайр қилаётгани акс этган видео билан бўлишди.
“От қор фонида жуда ҳам қора кўринганлиги учун у сиздан узоқлашаётганини ёки сизга яқинлашаётганини айта олмайсиз. Бошида кўрганимда мен ҳам тушунмадим...”, — деб изоҳ қолдирган Алиша.
Видео бир ҳафтадан кўпроқ вақт ичида 15,5 миллиондан ортиқ кўрилган, шунингдек, 2,1 миллион лайк ва 11 мингдан ортиқ изоҳ қолдирилган. Фойдаланувчилар ҳам фарқлай олмади: кимдир от суратга олаётган одам томон кетаётганини айтса, бошқаси ундан узоқлашяпти деб ўйлаган.
Алиша узоқ вақт давомида одамларни иккилантиришни истамади ва видео эълон қилинган куниёқ “Спойлер: бутун видео давомида мендан узоқлашган”, — деб изоҳ берган.
Изоҳ (0)