Голливуд юлдузи Силвестр Сталлоненинг тўнғич қизи София отасига ёшларнинг тренди ҳақида маълумот беришга қарор қилди ва у билан TikTok’да видео суратга олди. Ушбу видео ижтимоий тармоқларда кенг муҳокама қилинмоқда.
Видеода ота ва қизнинг Tears for Fears гуруҳининг Everybody wants to rule the world (“Ҳамма дунёни бошқаришни истайди”) қўшиғига рақс тушаётгани кўрсатилган. Кадр якунида Голливуд актёри қизини парда билан ўраб олади ва ўзи рақс тушишда давом этади.
Маълумот учун, Силвестр Сталлоне рафиқаси Женнифер Флавин билан ўн йиллик муносабатлардан сўнг 1997 йилда турмуш қурган. Жуфтликнинг София, Систин ва Скарлетт исмли қизлари бор. Ўтган ёзда оммавий ахборот воситалари Силвестр ва Флавиннинг 25 йиллик турмушдан кейин ажрашаётгани ҳақида ёза бошлади. Бироқ вақт ўтиб улар бир-бирлари орасидаги барча тушунмовчиликларни ҳал қилишга муваффақ бўлди.
Актёр модел билан оила қуришидан олдин икки марта уйланган. Унинг актриса Саша Зак билан турмушидан икки нафар: Сейж ва Сержио исмли ўғиллари бор. У 1985 йилда Саша билан ажрашганидан сўнг, кўп ўтмай модел ва актриса Бригитта Нилсенга уйланди. Уларнинг никоҳи икки йил давом этди.
Изоҳ (0)