Kanadaning Britaniya Kolumbiyasi shtatida Alisha ismli TikTok foydalanuvchisi Rudnik laqabli oti qorda sayr qilayotgani aks etgan video bilan bo‘lishdi.
“Ot qor fonida juda ham qora ko‘ringanligi uchun u sizdan uzoqlashayotganini yoki sizga yaqinlashayotganini ayta olmaysiz. Boshida ko‘rganimda men ham tushunmadim...”, — deb izoh qoldirgan Alisha.
Video bir haftadan ko‘proq vaqt ichida 15,5 milliondan ortiq ko‘rilgan, shuningdek, 2,1 million layk va 11 mingdan ortiq izoh qoldirilgan. Foydalanuvchilar ham farqlay olmadi: kimdir ot suratga olayotgan odam tomon ketayotganini aytsa, boshqasi undan uzoqlashyapti deb o‘ylagan.
Alisha uzoq vaqt davomida odamlarni ikkilantirishni istamadi va video eʼlon qilingan kuniyoq “Spoyler: butun video davomida mendan uzoqlashgan”, — deb izoh bergan.
Izoh (0)