Panorama Airways авиакомпаниясининг Тошкент—Мадина йўналиши бўйича парвозлари 12 соатдан кўпроққа кечиктирилди. Бу ҳақда Uzbekistan Airports матбуот хизмати хабар берди.
Қайд этилишича, авиакомпаниянинг Тошкент—Мадина йўналиши бўйича 5P5381 ва 5P5369 рейслари пойтахт аэропортига самолётларнинг кеч етиб келгани сабаб кечиктирилган.
Авиакомпания йўловчиларни ичимликлар ва иссиқ овқат билан таъминлаб, меҳмонхонага жойлаштиришни таклиф қилган.
“Ҳар икки рейс ҳам яқин соатларда манзил аэропортига жўнаб кетиши режалаштирилган. Парвоз жадвалига киритилган ўзгартиришлар тўғрисидаги батафсил маълумотларни авиаташувчидан олиш мумкин”, — дейилади хабарда.
Аввалроқ Фарғона водийсидаги об-ҳаво шароити туфайли қатор рейсларга чекловлар киритилганди. Парвозлар хавфсизлигини таъминлаш мақсадида HY9801/9802 Наманган—Пермь—Наманган, HY9805/9806 Наманган—Самара—Наманган йўналишлари ўзгартирилган жадвал бўйича Тошкент халқаро аэропортига/дан амалга оширилади.
Изоҳ (0)