Футбол бўйича Осиё Кубогининг нимчорак финалдан ўрин олган ўйинлар 31 январь, чоршанба куни бўлиб ўтди.
Япония 1/8 финалда Баҳрайнга қарши баҳс олиб борди. Учрашувнинг 31-дақиқасида Рицу Доан ҳисобни очди. Иккинчи бўлим бошида эса Такефусо Кубо ҳисобни ишончли кўринишга олиб келди.
64-дақиқада эса Suzuki автогол уриб, ҳисоб қисқаришига сабабчи бўлди. Орадан 8 дақиқа ўтиб, Аясе Уэда японларнинг учинчи голига муаллифлик қилди. Қолган дақиқаларда дарвозалар ишғол этилмади ва Япония 3:1 ҳисобида зафар қучиб, чорак финалга йўл олди.
Эрон эса Сурияга қарши майдонга тушди. Ўйиннинг 34-дақиқасида Меҳди Тареми пенальтини аниқ амалга ошириб, ҳисобни очди. Биринчи бўлим Эроннинг кичик устунлигида якунланди. Иккинчи бўлимда ҳам эронликларнинг устунлиги давом эттирилган бўлса-да, 64-дақиқага келиб, Сурия ҳисобни тенглаштиришга муваффақ бўлди. Омар Ҳарбин пенальтидан унумли фойдаланди. 90+1-дақиқада Меҳди Тареми қизил карточка олиб, майдонни тарк этди ва Эрон бир киши кам бўлиб қолди.
Асосий бўлимлар дуранг натижа билан якунлангач, қўшимча бўлимларга мурожаат қилишга тўғри келди. Қўшимча бўлимларда ҳам ғолиб номи аниқланмади. Пенальтилар сериясида эса Эроннинг қўли баланд келди.
Осиё Кубоги
1/8 финал босқичи
31 январь, чоршанба
Баҳрайн — Япония 1:3
Голлар: 0:1 – 31 Доан, 0:2 – 49 Кубо, 1:2 – 64 Suzuki (автогол), 1:3 – 72 Уэда.
Эрон — Сурия 1:1 (5:3)
Голлар: 1:0 – 34 Тареми (пенальти), 1:1 – 64 Ҳарбин (пенальти).
Изоҳ (0)