Таниқли режиссёр Мартин Скорсезе фильмлар премьерасини кинотеатрда кўрмайди. Бунга сабаб бўйи пастлиги ва томошабинлар шовқини

Мартин Скорсезе Variety нашри билан бўлган суҳбатда ўз фильмларини одатда кинотеатрларда кўрмаслиги ҳақида гапирди.

Журналистнинг режиссёр ўз фильм премьераларида иштирок этиши ҳақидаги саволга Скорсезе салбий жавоб берди.

Мен бундай қилмайман. Кинода одамлар кўп гаплашади ва ҳаракатланади. Шунингдек, менинг бўйим баланд эмас ва ҳар доим олд қаторда баланд бўйли одам тўғри келиб қолади. Бродвей билан ҳам худди шундай — мен театрга боролмайман. Кимдир олд қаторга ўтиради ва мен саҳнани умуман кўрмайман.

Доимий намойишларда томошабинлар аввалгидан кўра шовқин соладиган бўлганини пайқадим. Эҳтимол ҳар доим шундай бўлгандир — 50 йилларда биз экранда нима бўлаётганини баланд овозда шарҳлашимиз мумкин эди, — дейди режиссёр.

Қолаверса, Скорсезе ёши улғайган сари IMAX’ларни ёқтира бошлаганини айтди. “Сиз ичкарига кириб узоқроқда жойлашиб, юқорига қараб томоша қилишингиз мумкин”, — деб таъкидлади.

Лекин режиссёр премьераларни бепарво қолдиришни хоҳласа кинога боришни канда қилмайди, чунки фильмни қўллаб-қувватлаш муҳим деб ҳисоблайди.

Маълумот учун, Скорсезенинг сўнгги фильми “Гулли ойи қотиллари” 2023 йилнинг декабрида чиқди ва прокатда 150 миллион доллардан ортиқ даромад олиб келди.