Martin Skorseze Variety nashri bilan bo‘lgan suhbatda o‘z filmlarini odatda kinoteatrlarda ko‘rmasligi haqida gapirdi.
Jurnalistning rejissor o‘z film premyeralarida ishtirok etishi haqidagi savolga Skorseze salbiy javob berdi.
Men bunday qilmayman. Kinoda odamlar ko‘p gaplashadi va harakatlanadi. Shuningdek, mening bo‘yim baland emas va har doim old qatorda baland bo‘yli odam to‘g‘ri kelib qoladi. Brodvey bilan ham xuddi shunday — men teatrga borolmayman. Kimdir old qatorga o‘tiradi va men sahnani umuman ko‘rmayman.
Doimiy namoyishlarda tomoshabinlar avvalgidan ko‘ra shovqin soladigan bo‘lganini payqadim. Ehtimol har doim shunday bo‘lgandir — 50-yillarda biz ekranda nima bo‘layotganini baland ovozda sharhlashimiz mumkin edi, — deydi rejissor.
Qolaversa, Skorseze yoshi ulg‘aygan sari IMAXʼlarni yoqtira boshlaganini aytdi. “Siz ichkariga kirib uzoqroqda joylashib, yuqoriga qarab tomosha qilishingiz mumkin”, — deb taʼkidladi.
Lekin rejissor premyeralarni beparvo qoldirishni xohlasa kinoga borishni kanda qilmaydi, chunki filmni qo‘llab-quvvatlash muhim deb hisoblaydi.
Maʼlumot uchun, Skorsezening so‘nggi filmi “Gulli oyi qotillari” 2023-yilning dekabrida chiqdi va prokatda 150 million dollardan ortiq daromad olib keldi.
Izoh (0)