Таниқли актёр Леонардо Ди Каприо режиссёр Мартин Скорсезе томонидан АҚШнинг 26-президенти Теодор Рузвельтга бағишлаб суратга олинадиган кинодрамада бош ролни ижро этади. Бу ҳақда Deadline Hollywood’га таяниб, «РИА Новости» хабар берди.
Нашрнинг маълумотларига кўра, картинага Скорсезе, Ди Каприонинг ўзи, шунингдек, Голливуд актёри ва продюсери Чак Пачеко биргаликда продюсерлик қилишади. Фильм сценарийсини Скотт Блум ёзиб беради. Фильмнинг суратга олиш ишлари қачон бошланиши ҳамда у қачон катта экранларга чиқиши аниқ эмас.
Бунга қадар Ди Каприо Скорсезенинг бир нечта фильмларида, жумладан, Gangs оf New York, Тhе Аviator, Shutter Island, Тhе Departed, The Wolf of Wall Street фильмларида бош ролларни ижро этган. Айни вақтда Ди Каприо ва Скорсезе биргаликда Тhe Devil in the White City ҳамда Killers оf the Flower Moon китобларини экранлаштириш лойиҳаси устида ишламоқда.
Изоҳ (0)