Япониянинг космик мониторинг ва радар технологиясига ихтисослашган Synspective фирмаси “Ўзбеккосмос”, Космик мониторинг маркази ва Қозоғистоннинг “Гарйш Сапарй” миллий компанияси билан ўзаро англашув меморандумини имзолади.
Synspective ўзининг илғор радар сунъий йўлдош интерферометрияси маълумотларини қайта ишлаш технологиялари билан машҳур бўлиб, асосий лойиҳа ҳар қандай об-ҳаво шароитида ва исталган вақтда Ер юзасининг юқори аниқликдаги радар тасвирларини қайта ишлаш ва талқин қилиш имконини берувчи Синтетик Апертуре Радарини (SAР) ишлаб чиқиш ҳисобланади. Ушбу технология ер юзаси ва объектларнинг силжиши ёки деформациясини аниқлашга имкон беради, бу эса табиий офатлар натижасида юзага келиши мумкин бўлган вайронагарчилик, сув тошқини ёки бошқа фавқулодда вазиятлар учун хавф зоналарини прогноз қилишга ёрдам беради.
Меморандумда Synspective компаниясининг “Ўзбеккосмос” қошидаги Космик мониторинг ва GIS технологиялар маркази билан яқиндан ҳамкорлик қилиш режалари баён этилган. Ҳамкорлик Ўзбекистоннинг масофадан туриб зондлаш имкониятларини ошириш, космик индустрияда илмий ва инновацион фаолиятни рағбатлантириш, энг янги технологияларни фаол жалб этишга қаратилган.
Ўзбекистоннинг зилзила эҳтимоли бор ҳудуддаги географик жойлашувини ҳисобга олган ҳолда, Сйнспеcтиве билан ҳамкорлик Марказий Осиёда барқарор инфратузилмани яратиш ҳамда табиий ресурслар ва энергиядан самарали ва хавфсиз фойдаланишга ҳисса қўшиши кутилмоқда.
Қозоғистонда Synspective ўз эътиборини Ерни масофадан туриб зондлаш ва радар маълумотлари учун инновацион иловаларни ишлаб чиқишга, хусусан, табиий офатларни бошқаришга қаратади. Бу ер кўчкилари, сел, тошқинлар хавфини юмшатиш ва иқлим ўзгариши оқибатларини камайтириш учун инфратузилмани самарали бошқаришни ўз ичига олади. Ҳамкорлик қўшма халқаро тижорат лойиҳалари учун имкониятларни очиб беради, бу эса Synspectiveкомпаниясига сунъий йўлдош маълумотлари ва таҳлилий ечимларидан фойдаланиш имконини беради, шу билан бирга Қозоғистонга ўзининг технологик имкониятларини кенгайтиришга ёрдам беради.
Япониянинг деформациялар ва сейсмик фаолликни кузатиш, шунингдек, юқори сейсмик ҳудудлардаги объектлар хавфсизлигини ошириш бўйича катта тажрибаси, айниқса минтақадаги сўнгги зилзилаларни ҳисобга олинса, ушбу ҳамкорликнинг аҳамиятини оширади.
Изоҳ (0)