Қозоғистонда депутат Сергей Пономарев Олмаотадаги зилзила вақтида аҳоли огоҳлантирилмаганидан ғазабланди. У қозоғистонликларни хавф туғилганда ким огоҳлантириши кераклиги ҳақида савол берди. Бу ҳақда Tengrinews хабар берди.
“Биласизми, Олмаотада бўлган кучли силкинишлар Қирғизистон, Ўзбекистон ва Қозоғистонда ҳам сезилди. Google Android орқали бу ҳақда Олмаота аҳолисини хабардор қилди. Негадир биз Миллий операторлардан эмас, бизнинг Фавқулодда вазиятлар вазирлигидан эмас, дунё хизматларидан маълумот олдик. Ўринли савол туғилади: критик вазиятда бизга ким ғамхўрлик қилиши керак – Билл Гейтсми ёки Илон Маск? Огоҳлантириш тизимимизда нима муаммо, нега алоқа каналлари ишламаяпти? – дея савол берди Пономарев.
Қонун лойиҳаси бўйича маъруза қилган депутат Екатерина Смишляеванинг сўзларига кўра, “тезкор хабарлар” тушунчасини киритиш зарур.
“Ҳа, ростан ҳам бизда узилиш кузатилди. Бунга ким айбдорлиги, менимча, батафсил кўриб чиқилмоқда. Менимча, бирор жойда маълумот манбаси уни нотўғри вақтда тақдим этган, эҳтимол, қаердадир огоҳлантириш тизими ишламаган.
Амалдаги қонунчиликда алоқа операторларининг қисқа хабарлар юбориш мажбурияти бор. Аммо қисқа хабарлар вақт жиҳатидан ҳеч қандай тарзда чекланмаган. Улар кун давомида юборилиши мумкин. Шу сабабли, тезкор хабарлар тушунчасини қайта кўриб чиқиш ва жорий этиш зарур. Яъни, фавқулодда ҳолатларда улар қисқа, бир зумда бўлиши ва барча фойдаланувчиларга бир вақтнинг ўзида юборилиши керак. Бу мажбуриятдан келиб чиқиб, биз қонун лойиҳаси доирасида ишлаёламиз”, — деб жавоб берди Смишляева.
Эслатиб ўтамиз, 23 январь куни ярим тундан сўнг Олмаота аҳолиси кучли ер силкинишини ҳис қилди. Фавқулодда вазиятлар вазирлиги маълумотларига кўра, зилзила эпицентри Олмаота шаҳридан 264 километр жануби-шарқда Қозоғистон ва Қирғизистон чегарасида жойлашган. Унинг магнитудаси 6,7 ни ташкил этади. Олмаотада сезувчанлик 5 баллни, Чимкентда 2 баллни ташкил этган. Ер силкинишларини Остона, Шарқий Қозоғистон, Олмаота, Жамбил, Қарағанда вилоятлари ва Жетису вилояти аҳолиси ҳам сезган.
Изоҳ (0)