Қирғизистон-Ўзбекистон автомобиль заводининг ишга туширилиши кечиктирилди. Бу ҳақда Қирғизистон иқтисодиёт ва савдо вазири Дониёр Амангелдиевга таяниб, 24.kg хабар берди.
Унга кўра, Қирғизистон ва Ўзбекистон раҳбарлари корхонани ишга туширишга келишиб олган. Лойиҳани амалга ошириш бўйича йўл харитаси ва чора-тадбирлар режаси имзоланган.
“Йўл харитасига кўра, ушбу корхонани жорий йил бошида ишга туширишни режалаштирган эдик. Аммо об-ҳаво шароити туфайли бу сана 2024 йилнинг биринчи ярмига қолдирилди. Аммо у ердаги иш шу билан тугамайди. Ўйлайманки, Сўқулук тумани аҳолиси қурилиш жадал суръатларда кечаётганини кўрмоқда. Ўйлайманки, биринчи ярим йил охирига қадар биз аллақачон илк маҳсулотларни тақдим этамиз”, — деди Дониёр Амангелдиев.
- 2023 йил март ойида “ЎзАвтоСаноат” АЖ, “DT техника” МЧЖ ва “Нур” АЖ ўртасида Қирғизистонда автомобиль ва тижорат автомобилларини ишлаб чиқаришни ташкил этиш бўйича ҳамкорлик тўғрисида битим имзоланган. Улар корхонани Чуй вилоятининг Сўқулук туманида жойлаштиришга қарор қилган. Заводда Chevrolet, Daewoo ва Isuzu автомобилларини ишлаб чиқариш режалаштирилган.
Изоҳ (0)