Қирғизистон Ташқи ишлар вазирлиги Ўзбекистон фуқароларининг виза олиш тартибини тушунтирди. Бу ҳақда вазирликка таяниб, 24.kg хабар берди.
Ташқи ишлар вазирлиги Қирғизистон ҳудудида бўлишнинг янги қоидаларига кўра, хорижий давлатлар, жумладан, Ўзбекистон Республикаси фуқаролари узоқ муддат қолиш учун тегишли тоифадаги виза олишлари шартлигини эслатиб ўтди. Қирғизистон ва Ўзбекистон ҳукуматлари ўртасидаги фуқароларнинг ўзаро саёҳатлари тўғрисидаги келишувга мувофиқ, визалар учун қуйидаги тарифлар қўлланилади:
- олти ойгача – 10 доллар;
- бир йилгача – 20 доллар.
Ўзбекистон фуқаролари Қирғизистон визасини олиш учун “Электрон виза” портали орқали республикадан чиқиб кетиш талабисиз мурожаат қилишлари мумкин.
Виза олиш учун ҳттпс://www.эвиса.э-гов.кг/ сайтига кириб, ҳужжатларни топшириш керак.
“Туугандар виза”сини олиш учун (Қирғизистон Республикаси фуқароларининг оила аъзолари учун):
- Ўзбекистон фуқаросининг паспорти;
- Қирғизистон фуқаросининг шахсий гувоҳномаси;
- муносабатларни тасдиқловчи ҳужжат (никоҳ ёки туғилганлик тўғрисидаги гувоҳнома);
- Қирғизистон фуқаросининг аризаси;
- иш жойидан иш ҳақи тўғрисидаги маълумотнома ёки Қирғизистон фуқаросининг молиявий имкониятлари тўғрисидаги бошқа ҳужжат талаб этилади.
“Молиявий тўлов қобилиятини тасдиқловчи ҳужжат сифатида чет эл фуқаросининг Қирғизистон ҳудудида бўлишини моддий таъминлашни кафолатлаш бўйича нотариал тасдиқланган ҳужжатни тақдим этиш мумкин. Қирғизистон фуқароларининг оила аъзолари учун виза олишда бошқа қўшимча талаблар, жумладан, банк ҳисобварағида 50 минг сом ёки бошқа сумманинг мажбурий бўлиши шарти йўқ”, — дейилади ТИВ хабарида.
Изоҳ (0)