Американинг электромобил ишлаб чиқарувчи Tesla компанияси капиталлашувини 2024 йилда 10 миллиард доллардан оширмоқчи.
2023 йилда бу кўрсаткич 8,9 миллиард долларни ташкил қилганди.
“Биз бир вақтнинг ўзида янги маҳсулотлар ишлаб чиқаришни кўпайтирмоқдамиз, учта қитъада ишлаб чиқариш заводларини қурмоқдамиз ва кенгайтирмоқдамиз. Шунингдек, янги аккумулятор технологияларини ишлаб чиқмоқдамиз, зарядлаш станциялари тармоғини кенгайтирмоқдамиз, автоном ва бошқа сунъий интеллект ечимларига сармоя киритяпмиз”, — дейилади Tesla компаниясининг ҳисоботида.
Компания инвестицияларни сотиш ҳажмининг ўсиши билан қўллаб-қувватланадиган эркин пул оқими орқали молиялаш имкониятига эга бўлишни режалаштирмоқда.
“Биз макроиқтисодий омиллар жорий савдо тенденциясини қўллаб-қувватлагунча ўз-ўзини молиялаш қобилиятимиз давом этишини кутамиз”, — дейилади Tesla ҳисоботида.
Ўтган ҳафта компания 2023 йилнинг тўртинчи чораги натижаларини эълон қилди ва жорий йил бошида унинг даромадлари ўсиш суръати секинлашгани ҳақида маълум қилди.
Изоҳ (0)