Буюк Британия ташқи ишлар вазири Девид Кемерон беш банддан иборат Исроил ва ҲАМАС урушини тугатиш режасини эълон қилди. Бу ҳақда Financial Times хабар берди.
Мазкур режа гаровга олинганларни озод қилиш ва ўт очишни доимий тўхтатишни назарда тутади. Режага кўра, Ғазодаги ҲАМАС етакчилари, жумладан, Яҳё Синвар ҳам секторни тарк этиб, бошқа давлатга кетиши керак.
“Биз қилмоқчи бўлган нарса шуки, бу урушда танаффусга эришилгандан сўнг, уни доимий сулҳга айлантириш учун кўп меҳнат қилиш керак ва ҳақиқатда сулҳни тўхтатишга олиб келиши мумкин бўлган реал нарсаларга эътибор қаратиш лозим”, — дейди Кемерон.
Буюк Британия ўз режасини бошқа ташаббусларга қўшимча деб ҳисоблайди ва уни АҚШ, Европа ва Араб ҳукуматлари билан муҳокама қилган.
“Сизда Фаластин давлати учун анча аниқ сиёсий уфқ бўлиши керак: Ғарбий Соҳил ҳамда Ғазо учун янги Фаластин ҳукумати ва ҲАМАС энди ҳеч қачон Исроилга ҳужум қила олмаслиги керак”, — дейди Британия расмийси.
Доимий ўт очишни тўхтатиш зарурати бўйича халқаро консенсус ва узайган Исроил-Фаластин можароси бўйича келишувга эришишга эътибор қаратилаётганига қарамай, урушни тугатиш ва янги тинчлик жараёнини бошлаш учун жиддий муаммолар мавжуд.
Изоҳ (0)