АҚШ ҳозирча Яқин Шарқ минтақасига қўшимча ҳарбий қисмларни юборишни режалаштирмаяпти.
Бу ҳақда Пентагон матбуот котиби Патрик Райдер маълум қилди. “Минтақага қўшимча АҚШ кучларини юбориш режамиз йўқ”, — деди у.
Шу билан бирга, унинг қўшимча қилишича, Пентагон керак бўлса, дунёнинг исталган нуқтасида Америка ҳарбий кучлари сонини оширишга қодир.
12 январга ўтар кечаси АҚШ ва Британия қуролли кучлари самолётлар, кемалар ва сувости кемаларидан фойдаланган ҳолда Ямандаги ҳусийларнинг “Ансор Аллоҳ” ҳаракати нишонларига зарба берди. АҚШ президенти Жо Байден бу операция Қизил денгиздаги ҳусий ҳужумларига жавоб бўлиб, мудофаа характерига эга эканлигини маълум қилди.
Изоҳ (0)