Россия томонидан 2024 йил бошида “Сибир кучи-2” газ қувури қурилиши қолдирилиши мумкин. Бу ҳақда қувур ҳудуди орқали ўтиши керак бўлган Мўғулистон раҳбариятига таяниб, Economic Тимес хабар берди.
Мўғулистон бош вазири Лувсаннамсрайн Оюун-Эрдене сўзларига кўра, Россия ва Хитой ҳалигача лойиҳанинг асосий тафсилотлари бўйича келишиб улгурмаган ва сўнгги икки йилдаги рекорд даражадаги глобал газ нархи музокараларни мураккаблаштирмоқда.
“Хитой ва Россия томонлари ҳали ҳам ҳисоб-китоблар ва баҳолар олиб, иқтисодий манфаатлар устида ишламоқда”, — деди у.
Ноябрь ойида Тҳе South Чина Morning Пост газетаси Хитой Россияга “Сибир кучи 2” қурилиши учун мустақил тўловни таклиф қилгани ва газга янги чегирмалар талаб қилгани ҳақида хабар берганди. Нашрнинг ёзишича, Хитой Россия учун Европа бозорининг ўрнини босиши керак бўлган газ қувурига сармоя киритмоқчи эмас.
Россиянинг Украинага бостириб кириши ортидан Европа бозорини бой берган ва экспортининг ярмидан кўпини йўқотган “Газпром”га Хитой билан янги шартнома жуда зарур. 2023 йил Россия президенти Владимир Путин Хитой раҳбари Си Цзиньпин билан икки марта учрашиб, уни Кремль 7 йилдан ортиқ илгари сураётган лойиҳага рози бўлишга кўндиришга уринган, бироқ икки марта ҳам музокаралар ҳеч қандай натижа бермаган.
Изоҳ (0)