АҚШ Конгресснинг Исроилга зудлик билан танк снарядларини сотишни маъқуллашини кўриб чиқишни ўтказиб юборди. Бу ҳақда Reuters хабар берди.
Байден маъмурияти Исроилга танклар учун 14 мингга яқин снаряд сотишга рухсат бериш учун фавқулодда ваколатлардан фойдаланишга қарор қилди. Бу Конгресс кўриб чиқмасдан содир бўлади. Қарор Пентагонда қабул қилинган. Давлат департаменти қурол экспортини назорат қилиш тўғрисидаги қонунни қўллаган, унга кўра зудлик билан 106,5 миллион долларлик танк снарядлари экспорт қилинади.
Журналистларнинг айтишича, ўқ-дорилар каттароқ савдонинг бир қисмидир. Каттароқ пакет 500 миллион доллардан ортиққа баҳоланади ва Исроилнинг Меркава танклари учун 45 000 та патронни ўз ичига олади. Ушбу оғир жанговар машиналар Ғазога ҳужум пайтида мунтазам равишда қўлланилади.
Савдо АҚШ армияси омборларидан амалга оширилади. Пентагон бу савдо АҚШ мудофаа қобилиятига салбий таъсир кўрсатмаслигини билдирди.
Reuters’нинг исми ошкор этилмаган мулозимига кўра, бундай ҳаракатлар АҚШ расмийларининг Исроил хавфсизлигига содиқлигини ва мамлакат мудофаа қобилиятини мустаҳкамлаш истагидан далолат беради. АҚШ давлат котиби Энтони Блинкен Конгрессга танк снарядлари Яқин Шарққа зудлик билан етиб бориши кераклигини батафсил асослаб, бу АҚШ миллий хавфсизлик манфаатларига мос келишини билдирди.
Изоҳ (0)