Навоий вилоятида электрдан ноқонуний фойдаланган корхона давлатга 667 миллион сўм зарар етказди. Бу ҳақда “Ҳудудий электр тармоқлари” АЖ ахборот хизмати хабар берди.
Келтирилишича, “Ҳудудий электр тармоқлари”АЖ Навоий ҳудудий филиали ҳамда ҳуқуқни муҳофаза қилиш органлари билан ҳамкорликда вилоятнинг барча ҳудудларида электр энергиясидан ноқонуний фойдаланишларни аниқлаш мақсадида тезкор рейд тадбирлари ўтказилиб, қонунбузарлик ҳолатлари аниқланиб, зарур чоралар кўрилмоқда.
Хусусан, Ғозғон шаҳрида олиб борилган тезкор рейд тадбирлари давомида Ш.Ҳ раҳбарлигидаги МЧЖ кўздан кечирилганда, электр энергиясидан фойдаланиш қоидаси бузилгани аниқланди. Натижада, мазкур МЧЖ филиалга 667 миллион сўмдан ортиқ зарар етказгани қайта ҳисоб-китоб қилиш орқали ҳисобланди. Ҳолат юзасидан тегишли ҳужжатлар қонуний чора кўрилиши учун ҳуқуқни муҳофаза қилувчи органларга юборилди.
Изоҳ (0)