Одатда метро, кафе, савдо марказлари, меҳмонхоналар ва аэропортларда бепул Wi-Fi’лардан фойдаланилади. Бу жуда оддий ва қулай, лекин рақамли гигиена нуқтайи назаридан мутлақо хавфсиз эмас. Бепул интернетга уланиш қандай оқибатларга олиб келади.
Гап шундаки, умумий Wi-Fi уланиш нуқталаридан кибержиноятчилар фишинг (фирибгарликнинг бир тури бўлиб, унинг мақсади фойдаланувчининг махфий маълумотлари — логин ва паролларни қўлга киритиш) ҳужумлари учун фойдаланишлари мумкин. Махфий маълумотларни ўғирлаш учун жиноятчилар ҳақиқийларига жуда ўхшаш кафе ёки савдо маркази номи билан сохта кириш нуқталарини яратади. Фойдаланувчи бу ҳақда билмасдан, маълумотларни шифрланмаган ҳолда улайди ва бу хакерларга қурилмага киришга имкон беради.
Қурилмага кириш орқали жиноятчилар нафақат шахсий хабарлар, электрон почта хабарлари ва файлларга, балки пароллар ва ҳатто банк ҳисобларига ҳам кириши мумкин.
Бундан ташқари, яширин криптовалюта қурбони бўлиш хавфи ҳам мавжуд. Айнан бу кафе ёки аэропортда содир бўлади. Билвосита белгилардан бири смартфон процессорининг паст ишлаши бўлиши мумкин. Шунинг учун, рақамли гигиенага амал қилиш учун энг яхши вариант ўз интернетидан фойдаланишдир.
Изоҳ (0)