BMW автомобиль ишлаб чиқариш компаниясида робот-гуманоид иш бошлайди. Бу ҳақда Korrespondent.net хабар бермоқда.
Figure деб номланган моделлар АҚШнинг Жанубий Каролина штатидаги заводда ишлаши кутилмоқда.
Робот бешта вазифани бажариш учун мўлжалланган, юкламалар аста-секинлик билан ошириб борилади.
Figure бош директори Брэтт Эдкокнинг маълум қилишича, BMW’дан ташқари бошқа компаниялар ҳам роботни синаб кўради, лекин улар номларини ошкор қилишдан бош тортган.
Унинг қўшимча қилишича, компания бир йил ичида биринчи тижорат роботларини чиқаришни мақсад қилган.
Изоҳ (0)