Чиа уруғлари узоқ вақтдан бери самарали маҳсулот мақомига эга бўлиб, улар нон ва турли хил озиқ-овқатлар таркибига қўшилади. Шунингдек, ундан сабзавотли пудинглар тайёрланади. Сўнгги пайтларда нафақат соғлом овқатланиш тарафдорлари, балки озишни истаганлар ҳам ушбу маҳсулотга эътибор қаратмоқда. Чиа уруғлари сувга қўшилади ва натижада бир кунлик овқатланишнинг калория миқдорини мукаммал тўлдиради. Бундан ташқари, чиа уруғи қўшилган ичимликнинг яна бир қанча фойдали жиҳатлари мавжуд.
Чиа уруғи антиоксидант, оқсил, клетчатка, витамин ва минералларга бой. Ушбу уруғларнинг озуқавий таркиби вазн мувозанати ва модда алмашинувининг яхшиланишига ёрдам берди. Энг муҳими, чиа уруғлари суюқликни ютиш ҳисобига шишиб, ошқозонни тўлдиради. Шундан сўнг узоқ вақт мобайнида инсонга тўйинганлик ҳиссини беради. Бундан ташқари ичимлик қондаги қанд миқдорини тартибга солади, бу эса ширинлик ёки бошқа керакциз овқатларга бўлган иштиёқни чеклашга ёрдам беради.
Рецепт
Ушбу оддий ичимлик 1½ ош қошиқ чиа уруғи 200 мл совуқ сув билан аралаштирилади. Уруғларнинг яхшилаб бўкиши учун аралашмани камида бир соат давомида музлаткичда қолдириш керак. Кейин бир литр сув билан уни суюлтириш мумкин. Ичимликни янада мазали қилиш учун лимон, апелсин ёки бодринг бўлакларини қўшиш мумкин. Мазкур ичимликнинг бир литри кун давомида ичилиб, кейинги кун учун аралашманинг янгисини тайёрлаш тавсия этилади.
Изоҳ (0)