Ўзбекистонда болаларнинг 74 фоизи мактабгача таълим билан қамраб олинган

Бугунги кунда Ўзбекистонда жами 33 942 та мактабгача таълим ташкилоти фаолият юритмоқда. Бу ҳақда Мактабгача таълим агентлиги хабар берди. 

Қайд этилишича, республикадаги жами мактабгача таълим ташкилотларининг 6 780 таси давлат боғчалари, 27 162 таси эса нодавлат ташкилот ҳисобланади.

Нодавлат боғчалар таркиби:

• хусусий — 847 та;
• оилавий — 24 минг 927 та;
• ДХШ асосидаги ташкилотлар — 1388 та.

Республикадаги 3—7 ёшли болалар сони 2 миллион 930 минг 844 нафарни ташкил этмоқда. Шулардан 74 фоизи, яъни 2 миллион 169 минг 538 нафари боғчага боради.

Таъкидланишича, 2023 йил давомида 182 та давлат МТТлари таъмирланган. Бунда: 57 та янги боғча қурилган, 113 та боғча реконструкция қилинган, 2 таси мукаммал таъмирлашдан чиққан. 71 та ДХШ асосидаги НМТТлар (7100 ўринли) ҳамда 4402 та (116 998 ўринли) оилавий шаклдаги НМТТ очилган.

Эслатиб ўтамиз, 2023 йил майда Мактабгача таълим ташкилотларининг олий маълумотли педагог ходимларининг маоши оширилиши тўғрисида хабар берилганди.