Bugungi kunda O‘zbekistonda jami 33 942 ta maktabgacha taʼlim tashkiloti faoliyat yuritmoqda. Bu haqda Maktabgacha taʼlim agentligi xabar berdi.
Qayd etilishicha, respublikadagi jami maktabgacha taʼlim tashkilotlarining 6 780 tasi davlat bog‘chalari, 27 162 tasi esa nodavlat tashkilot hisoblanadi.
Nodavlat bog‘chalar tarkibi:
- xususiy — 847 ta;
- oilaviy — 24 ming 927 ta;
- DXSH asosidagi tashkilotlar — 1388 ta.
Respublikadagi 3—7 yoshli bolalar soni 2 million 930 ming 844 nafarni tashkil etmoqda. Shulardan 74 foizi, yaʼni 2 million 169 ming 538 nafari bog‘chaga boradi.
Ta’kidlanishicha, 2023-yil davomida 182 ta davlat MTTlari taʼmirlangan. Bunda: 57 ta yangi bog‘cha qurilgan, 113 ta bog‘cha rekonstruksiya qilingan, 2 tasi mukammal taʼmirlashdan chiqqan. 71 ta DXSH asosidagi NMTTlar (7100 o‘rinli) hamda 4402 ta (116 998 o‘rinli) oilaviy shakldagi NMTT ochilgan.
Eslatib o‘tamiz, 2023-yil mayda Maktabgacha ta’lim tashkilotlarining oliy ma’lumotli pedagog xodimlarining maoshi oshirilishi to‘g‘risida xabar berilgandi.
