Гватемалада суд қотилликлар содир этган ва гиёҳванд моддалар савдоси билан шуғулланган Ригоберто Данило Моралес исмли шахсни 808 йиллик қамоқ жазосига ҳукм қилди.
Тергов хулосасига кўра, у 2008 йилда содир этилган қотилликда иштирок этган. Ўшанда15 нафар Никарагуа фуқароси ва яна бир нафар Нидерландия фуқароси ҳалок бўлганди. Суд қарорига кўра, Моралес ҳар бир қотиллик учун 50 йилга, гиёҳванд моддалар савдосида иштирок этгани учун эса қўшимча саккиз йил қамоқ жазосига ҳукм қилинган.
Ҳукм чиқарилгунга қадар Гватемала расмийлари жиноятчини қидириш учун 13 йил вақт сарфлаган. У 2022 йилда қўлга олинган. Унинг суд жараёни ўтган йилнинг сентябрида бошланган. Бу иш бўйича яна саккиз киши судланган. Уларнинг барчаси турли хил қамоқ жазосига ҳукм қилинган, деб хабар беради AFP.
Истанбул суди аввалроқ Ҳорун Яҳё тахаллуси билан танилган Аднан Октарни 8658 йиллик қамоқ жазосига ҳукм қилган эди. Эволюцияни инкор этиш назарияси муаллифи одам ўғирлаш, зўравонлик ва таъқиб қилишда айбдор деб топилган.
Изоҳ (0)