Gvatemalada sud qotilliklar sodir etgan va giyohvand moddalar savdosi bilan shug‘ullangan Rigoberto Danilo Morales ismli shaxsni 808 yillik qamoq jazosiga hukm qildi.
Tergov xulosasiga ko‘ra, u 2008-yilda sodir etilgan qotillikda ishtirok etgan. O‘shanda15 nafar Nikaragua fuqarosi va yana bir nafar Niderlandiya fuqarosi halok bo‘lgandi. Sud qaroriga ko‘ra, Morales har bir qotillik uchun 50 yilga, giyohvand moddalar savdosida ishtirok etgani uchun esa qo‘shimcha sakkiz yil qamoq jazosiga hukm qilingan.
Hukm chiqarilgunga qadar Gvatemala rasmiylari jinoyatchini qidirish uchun 13 yil vaqt sarflagan. U 2022-yilda qo‘lga olingan. Uning sud jarayoni o‘tgan yilning sentyabrida boshlangan. Bu ish bo‘yicha yana sakkiz kishi sudlangan. Ularning barchasi turli xil qamoq jazosiga hukm qilingan, deb xabar beradi AFP.
Istanbul sudi avvalroq Horun Yahyo taxallusi bilan tanilgan Adnan Oktarni 8658 yillik qamoq jazosiga hukm qilgan edi. Evolyutsiyani inkor etish nazariyasi muallifi odam o‘g‘irlash, zo‘ravonlik va ta’qib qilishda aybdor deb topilgan.
Izoh (0)