Украина Бош разведка бошқармаси раҳбари Кирилл Буданов “Вагнер” раҳбари Евгений Пригожиннинг ўлимига оид тасдиқланган далиллар йўқлигини айтди. Бу ҳақда Financial Times хабар берди.
![](/static/2024/01/21/photo_2024-01-21_19-06-43-W0rt9RrC.jpg)
Кирилл Буданов суҳбат давомида Пригожиннинг ўлими ҳақида “хулоса чиқаришга шошилмаётганини” таъкидлади. У Россия расмийлари “Вагнер” раҳбарининг ўлимига алоқадорлигини рад этиши ва гўё Пригожиннинг ўлимини исботлаган экспертизага ишора қилишини айтди.
Бироқ Будановнинг қайд этишича, Пригожиннинг жасади ҳеч қачон жамоатчиликка кўрсатилмаган.
“Мен у ўлмаган ёки ўлган деб айтмаяпман. Айтмоқчиманки, унинг ўлганига бирорта далил йўқ”, — дея тушунтирди Буданов.
Разведка раҳбари “Вагнер” гуруҳини тарқатиб юбориш ҳақидаги миш-мишларга ҳам жавоб берди. Будановга кўра, бу жангари гуруҳ ҳозир ҳам мавжуд.