Россия қўшинлари назорати остидаги Украина шарқидаги Донецк шаҳри 21 январь куни артиллериядан ўққа тутилди. Оқибатда 25 киши ҳалок бўлди. Бу ҳақда “Интерфакс” хабар берди.
Маълум қилинишича, “Текстильшик” микрорайонидаги “Меркурий” бозори ҳужумга учраган. Ўзини ўзи мустақил деб эълон қилган Донецк халқ республикаси (ДХР) раҳбари Денис Пушилин ҳодисада Украина ҳарбийларини айблади. У 25 киши ҳалок бўлгани ва камида 20 киши яраланганини маълум қилди. Дастлаб 13 киши ҳалок бўлгани айтилганди.
“Янгиланган маълумотларга кўра, Кураховский ва Красногоровский йўналишларидан 152 мм ва 155 мм калибрли артиллериядан кварталга қўшма зарба берилган”, — деб Пушилин Telegram каналида.
Россия Донецк ўққа тутилгани учун БМТ хавфсизлик кенгашининг фавқулодда йиғилиш ўтказишини талаб қилди. Россиянинг БМТдаги доимий вакилининг биринчи ўринбосари Дмитрий Полянскийнинг айтишича, учрашув 22 январь, душанба куни ўтказилиши сўралган ва унда Россия ташқи ишлар вазири Сергей Лавров иштирок этади.
Изоҳ (0)