Ямандаги “Ансор Аллоҳ” (ҳусийлар) ҳаракати Қизил денгизда Россия ва Хитой кемалари учун эркин ўтишни таъминлашга ваъда берди. Бу ҳақда ҳусийлар сиёсий бюроси аъзоси Муҳаммад ал-Буҳайтига таяниб, “Корреспондент” хабар берди.
Унинг сўзларига кўра, ҳусийларнинг нишонлари Исроил, шунингдек, АҚШ ва Буюк Британия билан алоқадор бўлган кемалардир.
“Бошқа барча давлатлар, жумладан, Россия ва Хитойга келсак, уларнинг ҳаракатланишига ҳеч нарса таҳдид солмайди. Бундан ташқари, биз уларнинг кемалари Қизил денгиздан ўтиши хавфсизлигини таъминлашга тайёрмиз, чунки эркин навигация мамлакатимиз учун муҳим рол ўйнайди”, — деди ҳусий ҳаракати вакили.
Ал-Буҳайти, шунингдек, ҳусийларнинг АҚШ ва Британия билан тўғридан тўғри тўқнашувга тайёрлигини эълон қилди ва бу сценарийни “энг яхши ечим” деб атади. Унинг таъкидлашича, Ғарб давлатларининг ҳужумлари Яманда фақат бирдамликни тарғиб қилади.
“Биз ҳарбий қудратимизни: ракета ва ҳаво салоҳиятимизни ривожлантиришга муваффақ бўлдик. Бу йўналишдаги ишлар барқарор ва ишончли давом этмоқда. Душманларимизни, АҚШ ва Буюк Британияни ҳайратга соладиган яна кўплаб кутилмаган ҳодисалар кутмоқда. Бир неча муваффақиятли операциялардан кейин улар ҳақида билиб оласиз”, — деди Ал-Буҳайти.
Изоҳ (0)