Ислом инқилоби посбонлари корпуси (ЭИПК) Эрбиль шаҳри яқинидаги Ироқ Курдистонига зарбалар берди. Бу ҳақда Эрон давлат матбуотига таяниб, Reuters ёзмоқда.
Маълумотларга кўра, ИИПК ҳужум “жосуслик марказлари” ва “Эронга қарши террорчи гуруҳлар тўпланадиган жойларда” амалга оширилган.
Reuters манбаларининг айтишича, портлашлар Эрбилдан 40 километр шимоли-шарқда, Америка элчихонаси жойлашган ҳудудда эшитилган. Дипломатик миссияга тегишли биноларга зарар етмаган.
ABC News Ироқ хавфсизлик кучларидаги манбага таяниб, Америка элчихонаси яқинида саккизта нишонга ҳужум қилингани ҳақида хабар берди.
Reuters ва ABC News хабарларига кўра, зарбалардан тўрт киши ҳалок бўлган. Эрбиль аэропорти ёпилган.
Эрон вақти-вақти билан Ироқ Курдистонига ҳужум қилади. Теҳроннинг даъво қилишича, минтақада эронлик босқинчилар учун ўқув лагерлари жойлашган.
Изоҳ (0)