Сирдарё вилояти Гулистон туманида салонида ўқувчилар бўлган Gentra каналга тушиб кетгани ҳақида хабар берилган эди. Вилоят ФВБнинг “Дарё”га хабар беришича, йигитларнинг мурдаси топилди.
Вояга етмаган М.И. тегишли ҳужжатларсиз бувиси Б.И.га тегишли бўлган қизил рангли Gentra ни Гулистон тумани, “Иноқлик” МФЙ ҳудудидан оқиб ўтувчи Дўстлик канали бўйидаги автойўлда бошқариб бораётиб, бошқарувни йўқотиши натижасида, мазкур каналга тушиб кетган ва йўл-транспорт ҳодисасини содир қилган.
Вояга етмаган М.И. йўл-транспорт ҳодисасини содир қилган вақтда машинада йўловчилар, унинг синфдошлари вояга етмаган С.В., С.В., Н.И. ва Д.Н. бўлган. Йўл-транспорт ҳодисаси содир бўлганидан сўнг, автомашинадан М.И., Н.И. ва Д.Н. автомашина ойналарини синдириб, сувдан чиққан, бироқ вояга етмаган С.В. ва С.В. чиқолмаган.
Gentra фавқулодда вазиятлар бўлими қутқарувчилари томонидан Дўстлик каналидан олиб чиқилганда, вояга етмаган С.В. ва С.В. ларнинг мурдаси топилмаган. Ҳодиса жойига 80 дан ортиқ ходим жалб этилган: ФВБдан 50 нафар, ИИБдан 11 нафар, Милллий гвардиядан 7 нафар ва бошқа ходимлар.
Иккита махсус техника ҳам жалб қилинган. Шунингдек, ғаввослар томонидан 3,5 км масофада қидирув ишлари амалга оширилган. Скайнер радар аппаратлари ёрдамида 17 км масофадаги ҳудуд ўрганиб чиқилган. Натижада 16 январь куни соат 9:35 да эгизаклардан бири машина ёнидан, яна бири эса шу куни соат 10:20 да 300 метр узоқликдан топилган.
Изоҳ (0)