ЖССТ раҳбари Тедрос Аданом Гебрейесус “Х касаллиги атамаси узоқ вақтдан бери мавжудлигини айтди ва у ёки бу тарзда содир бўладиган янги касалликка тайёр бўлишга чақирди. Бу ҳақда “РИА Новости” хабар берди.
Х касаллиги кўпчиликнинг эътиборини тортмоқда. Лекин бу янгилик эмас, биз бу атамани биринчи марта 2018 йилда қўллаган эдик. Номаълум касалликлар пайдо бўлиши мумкин, савол “агар” эмас, “қачон”, — деди у Давосда бўлиб ўтаётган Жаҳон иқтисодий форумидаги панел муҳокамасида.
“Х касаллигига тайёргарлик” мавзусидаги суҳбатда келажакдаги пандемияга тайёргарлик кўриш учун саъй-ҳаракатлар кўриш, соғлиқни сақлаш тизимлари янги касалликнинг тарқалишига тайёр бўлишини таъминлаш учун глобал ташаббусларга сармоя киритиш зарурлиги муҳокама қилинган.
“Х касаллиги” ибораси одатда тиббий контекстда хавфли ва тез тарқалиши мумкин бўлган номаълум ёки янги касалликка ишора қилишда ишлатилади. Бу атама кўпинча пандемия ёки эпидемияга тайёргарлик кўриш контекстида, олимлар ва шифокорлар кам маълум бўлган янги патоген пайдо бўлиши эҳтимоли ҳақида огоҳлантирганда ишлатилади.
Изоҳ (0)