Афтидан, Виндзор аристократияси юқумлига ўхшайди. Шаҳзода Уильямнинг рафиқаси Британия монархияси учун “тоза ҳаво” бўлишини кутганлар энди Уэльс маликасининг иккинчи Елизавета образини синаб кўришини қайғу ва афсус билан кузатишлари мумкин.
Услуб
Кэтриннинг гардероби таркиби йил сайин қимматлашмоқда. 2016 йилда Уильямнинг рафиқаси янги либослар учун 100 минг фунт сарфлаганди. 2017 йилда бу миқдор 119 мингга ошган. 2018 йилда Кейт йилнинг кўп қисмини туғуруқ таътилида ўтказди, аммо у омма олдида кўриниш берган олти ой давомида кийим-кечакларига 75 минг фунт стерлинг сарфланди. Брендлар ҳам ўзгарди: маҳаллий моданинг таниқли вакиллари билан бир қаторда Кейт Dolce&Gabbana ва Chanel каби ҳашаматли хорижий брендлардан фаол харид қила бошлади.
Мавзуга доир: Миллион долларлик гардероб: герцогиня Кейт Миддлтоннинг энг қиммат либослари (фото)
Деярли чексиз моддий имкониятларга қарамай, Уэльс маликасининг либослари жуда зерикарли ва расмий бўлиб қолмоқда. Деярли ўн йил давомида Кэтрин кутилмаган кўйлакларда ўзини кўрсатиш имконияти бўлган ҳолатлар бармоқ билан санарли. Унинг танлайдиган либосларини олдиндан айтиш мумкин, аммо у бунчалик консерватив бўлиш учун ҳали жуда ёш. Худди шу нарса аксессуарлар ва пойабзал ларга ҳам тегишли.
Гап шундаки, Кэтрин марҳум қироличадан жуда миннатдор ва кўп йиллар олдин ўзи имзолаган “ўйин қоидалари”ни чуқур ҳурмат қилади. Машҳур қайнонасидан фарқли ўлароқ, Уэльс маликаси эрини мода либослари ва фотосессиялар билан ортда қолдиришни хаёлига ҳам келтирмайди. Унинг либослари қироллик услубига ҳурмат — бенуқсон ва эҳтиёткор. Замонавий мода бу ёндашувга жавоб беришни истамайди, у юлдуз эмас, балки қиролича бўлмоқчилигини тушуниш мумкин.
Мавзуга доир: Олтин қафас ичидаги ҳаёт: Уэлс маликаси Кейт Миддлтонга тақиқланган 10 та нарса
Кэтриннинг ягона қизиқиши заргарлик буюмлари ҳисобланади — эксклюзив, юқори сифатли ва, албатта, ниҳоятда қимматбаҳо. Айнан шундай намуналар келажакда “қиролича Екатерина коллекциясидан” номи билан авлоддан-авлодга ўтиши ҳам мумкин.
Мавзуга доир: Рекорд даражадаги сумма: Уэлс маликаси Кейт Миддлтон 2022 йилда гардеробига қанча пул сарфлади?
Фарзандлар
Уэльс шаҳзодаси ва маликаси Британия монархларининг янги авлодини тарбиялаётганликларини яхши билади. Кичик Жорж, Шарлотта ва Луи анчадан бери жамоатчилик фикрини манипуляция қилиш воситаси бўлиб келган. Улар нафақат Буюк Британияда, балки бутун дунёда севилади ва ҳурмат қилинади — иккита катта фарзанд стратегик аҳамиятга эга қироллик саёҳатларида бир неча бор ота-оналарига ҳамроҳ бўлишлари бежиз эмас.
Шундай қилиб, улар сўнгги бир неча ўн йилликларда ўзларини икки фарзанд билан чекламаган биринчи Виндзор жуфтлигига айланди. Бундан ташқари, уларнинг болалари бир кун келиб тўртта бўлади, деб ишониш учун барча асослар бор, чунки Елизавета ва Филиппнинг ҳам фарзандлари 4 та бўлган.
Мавзуга доир: Бўлажак қироллар қандай тарбияланади? Шаҳзода Жорж ва Луи, малика Шарлоттага қилиш мумкин ва мумкин бўлмаган ишлар
Муболағасиз, Жорж, Шарлотта ва Луи Буюк Британиядаги энг машҳур болалардир. Ҳатто скептиклар ҳам уларнинг жамоатчилик онгига таъсирига шубҳа қилмайди. Агар уларнинг севимли ўйинчоғи тасодифан кадрга тушиб қолса, у бир неча дақиқада аниқланади ва худди шундай тезликда сотилади. Худди шу нарса болалар кийимларига ҳам тегишли: Кэтрин фарзандларини атайлаб бир хил кийимда кийинтиришга қарор қилгани бежиз эмас. Шаҳзодалар Жорж ва Луи кийган шорти ва кўйлак, малика Шарлотта сочидаги бантигидан тортиб кўйлагигача — буларнинг барчаси ХХ асрнинг биринчи ярмидаги болалар модасини ёдга солади.
Мавзуга доир: Кейт Миддлтоннинг қизи — малика Шарлотта қандай қилиб пули бўлмай туриб, дунёдаги энг бадавлат болага айланди?
Қанчалик бемаъни туюлмасин, уларнинг фарзандлари нафақат ота-оналарининг қувончи, балки келажакда қиролликка хизмат қилишлари учун ҳам тарбияланади. Виндзорлар услубидаги консерватив тарбия электрон қурилмалардан фойдаланишни чеклайди ва жамоат жойларида жаҳл қилишни тақиқлайди. Ҳатто жамоат олдида Кембриж герцоглари ва уларнинг болалари фақат протокол талабларига мувофиқ кўриниш беради: унга кўра Жорж ҳар доим отасининг, Шарлотта ва Луи эса онасининг қўлини ушлаб туриши керак.
Мавзуга доир: Қатъий қоида: нега Кейт Миддлтоннинг фарзандларига ота-онаси билан бирга овқатланиш тақиқланган?
Ўзини тутиши
Кэтрин ҳаммага марҳум қайнонаси каби бепарво ва кибрли бўлишдан йироқ эканлигини кўрсата олди. Унинг келиб чиқиши унга янада катта масъулият юклайди ва агар малика Дианага доимо бўлажак қиролнинг онаси эканлигини эслатиб туриши керак бўлса, Уэльс маликаси буни ҳеч ким айтмаса ҳам яхши уддалайди.
Кэтриннинг аслзодаларга хос ўзини тутиши 2017 йилда Сандригемдаги қироллик оиласининг Рождество байрамида саройдаги ҳаёти давомида қироллик протоколи билан курашган шаҳзода Гаррининг америкалик қаллиғи Меган Маркл билан биринчи марта омма олдида чиқиш қилганида яққол намоён бўлди. Аслида Кейт ва Меганнинг келиб чиқиши деярли бир хил, лекин Уэльс маликаси черковдан чиқаётганда бўлажак овсинига берган бир нечта дўстона маслаҳатлардан ташқари, Уильямнинг рафиқаси уларни солиштириш учун атрофдагиларга ҳеч қандай имкон қолдирмади. Бир йил ўтиб, 2018 йил 25 декабрда Кэтрин ва Меган ўртасидаги контраст янада сезилди. Уэльс маликаси аслзода зодагон ва бўлажак қироличага, Сассекс герцогиняси эса оддий қизга ўхшарди.
Мавзуга доир: Қизларини бўлажак қиролича ва миллионер хоним қилиб тарбиялаган собиқ стюардесса — Керол Миддлтон ҳикояси (фото)
Меган бундан хижолат бўлиб, Кэтриндан унга ёрдам беришини ва тадбир муҳитини бир оз енгиллаштиришини жуда хоҳлайди. Аммо гап шундаки, Уэльс маликаси қироллик протоколини билади ва эҳтимол бу баъзилар учун бемаъни бўлиб туюлиши мумкин, аммо Мегандан фарқли ўлароқ – Кэтрин дугоналарга муҳтож эмас. Эҳтимол шу сабабдан у Меганни ўзига яқин олиб, дўстлашиб кетмаган.
Изоҳ (0)